Shetland Poetry

Another Shetland poem, by the same author.

A Pirr o' Wind
 
Da merchant an' da meenister,
Dey hed a sailin' boat,
Da meenister geed as da crew,
Da merchant, captain o' it.
 
Doon trowe da years, dey alwis were
A force tae reckon wi',
At a' regattas winnin' cups,
Whaur ever dey micht be.
 
Till ee year at regatta time,
Da wind wis faa'en awa,
Da ocean wis flat as a loch,
Black calm lay ower a'.
 
Da merchant telled da meenister,
"Afore du lays dee doon
Doo'll aks tae git a pirr o' wind
Fae Him at bides abune."
 
Next moarnin' wis regatta day,
An hit wis just a gale,
Nae wadder for a battleship
Or ony boat tae sail.
 
Da merchant raikkett for da phone,
An' tae his freend said "Sir,
Whit med dee pray for sic a day,
An' no a peerie pirr?"
 
From 'Tochts on Shetland Life' 

by T M Laurenson

Available from 'Shetland Times' bookshop

Back to the home page.

About the Author

Back to the Shetland Connection